Hendene

Hendene fekk vi til arbeid

- til å rydde jord, så og plante
- til å tenne ljos i mørkret
og stryke eit dyr over lenda.

Hendene fekk vi til å syne kjærleik

- til å byggje heimar
og lette børene for kvarandre,
forbinde sår og lækje.

Hendene fekk vi til å gje

og til å ta imot
- kjærleik
- glede
- fred.

Våpen lagar vi med hendene våre

- sverd og kvasse spjut,
- kanonar.

Det skapte øyder vi

- dyret rømer frå oss
- barnet skjelv i redsle for hendene våre.

Tunge bører lagar vi for kvarandre.
Hendene knyter vi
i trass og hat og hemn.