Den første jul

Den første jul i Betlehem

var utan stas og prakt,

eit fattig par, ein ussel stall,

eit barn i krubba lagt.

Og kongen som er sendt av Gud,

han inkje anna finn

enn travle sinn og hjartedør

der ingen kan gå inn.

Den første jul i Betlehem

var utan kongeskrud.

Det ingen var som visste om

ein Frelsar, sendt frå Gud.

Men i den kalde stjernenatt

var dei som bodet fekk.

Dei høyrde bod frå englekor.

Dei trudde det, og gjekk.

Den første jul i Betlehem

var full av englesong.

Men heile byen berre sov

i all sin naud og trong.

Dei hadde ikkje rom for Han,

ein konge sveipt i strå.

Men englane song jubelsong

for dei som lydde på.

Den første jul i Betlehem

fekk hyrdingane sjå

at lovnaden som Herren gav,

den var å lite på.

Han ingen kongejubel fekk,

og ikkje kongeskrud.

Men dei som fram til krubba gjekk,

fekk sjå at Han er Gud!