Eg veit eg kan kome

Eg veit eg kan kome til Jesus
i kvardagens strev og jag.

Eg veit eg kan kome,
eg veit at han ventar,

og så vil eg kome i dag.


Om mine urolege tankar
vil kjøve mi von og tru,

eg veit eg kan kome
og byggje i bøna

mot himlen ei bivrande bru.


Eg bed han å ta mine tankar
og stø meg i sorg og tvil.

Eg bed han som kjenner
den veg som ligg framom,

å leie meg slik som han vil.


Eg veit at han lever, min Frelsar,
eg veit at hans lovnad gjeld.

Han gløymer meg ikkje
og går aldri frå meg

i skumring og mørkaste kveld.